دیمور (Dimur)

+0 به یه ن

یازار: اورهان آراس

تورکییه تورکجه سیندن اویغونلاشدیران: ائیواز زئینالوف

کؤچورن: قدرت ابوالحسنی سهلان  

اورهان آراس 1963-جو ایلده ایقدیردا دوغولوب. آلمانییادا یاشاییر. اورادا "Referans" درگیسینین باش رئداکتورودور. آذربایجان و آلمانییا یازارلار بیرلییینین عوضوودو. تورکجه، آلمانجا و آذربایجان تورکجه سینده بیر چوخ کیتابین موللیفیدیر.

Dimur – Orhan Arasın hekayəsi

اونونلا بیر تویدا تانیش اولموشدوم. ایپک کیمی آغاپپاق ساچلاری، قییق، قارا گؤزلری، قیریشمیش یاناقلاری و دونوق باخیشلاریلا ائله ایلک گؤروشدن دیققتیمی چکمیشدی. سونرادان اؤیرندیم کی، گلینین باباسیدی. کیچیک بیر کندده یاشادیغیما گؤره اورادا یاشایانلارین هامیسینی تانیسام دا، بو آدامی ایلک دفعه گؤروردوم. کوره کنی تانیشلیق وئرندن سونرا ایصرارلا اونون یانیندا اوتورماغیمی خواهیش ائتدی. دومور یا دا دیمور کیمی بیر آدی واردی. 


آردینی اوخو

سونونجو درس

+0 به یه ن

یازار: آلفونس دوده (Alfons DODE)

انگیلیزجه دن چئویرن: پری میرعلی یئوا (Pəri Mirəliyeva)

کؤچورن: قدرت ابوالحسنی سهلان (بو حیکایه نی جاوید راماضانوف دا روسجادان چئویریب. اونداندا ایستیفاده اولونوب. کؤچورن) 

Alphonse Daudet.jpg

(1871-جی ایلده آلمانییا ایله موحاریبه ده فرانسا مغلوب اولموش، اؤلکه نین شرقینده یئرله شن ایکی ایالتی-ائلزاس و لوتارینگییا آلمانییانین ترکیبینده قالمیشدی. حیکایه ده تصویر اولونان حادیثه لر همین دؤورده جریان ائدیر. ترجومه چی)

همین سحر مکتبه گئج گئتدیم. ایچیمده بؤیوک بیر قورخو حیسسی واردی، چونکی آقای هامئل بیزه فعلی صیفت مؤوضوعوسو حاققیندا سئواللار وئره جه یینی دئمیشدی، منسه بو حاقدا بیر کلمه بئله بیلمیردیم. بیر موددت دوشوندوم کی، درسدن قاچیم و بیر تهر گونو باشا ووروم. 

آردینی اوخو

قیسا حیکایه

+0 به یه ن

یازار: ارنئست همینقوی (Ernest Heminquey)

چئویرن: تامئللا عبدییئوا(Tamella Abdıyeva)

کؤچورن: قدرت ابوالحسنی سهلان


پادوادا ایستی بیر یای آخشامی ایدی. نهایت کی، بوراداکی آداملارین کؤمه ییی ایله داما چیخان یارالی عسگر یوکسکلیکدن شهره تاماشا ائدرک تمیز هاوانی جییرلرینه چکیردی. سمادا سرچه لر های-کویله اوچوشور، سانکی اویناشیردیلار. آنجاق، بیر آز کئچمیش هاوا قارالماغا باشلادی و بونونلا دا پروژئکتورلار ایشه دوشدو. دامداکی دیگر آداملار ایسه بوش شوشه لری گؤتوره رک یاواش-یاواش آشاغی دوشمه یه باشلادیلار. اونلارین سسی بوتون هاوانی بوروموشدو.

آردینی اوخو

گول و قایا

+0 به یه ن

یازار: گولمیره راماضانقیزی (Gülmirə  RAMAZANQIZI)

کؤچورن: قدرت ابوالحسنی سهلان

 باهار گلمیشدی. داغ-دره، مئشه مین بیر رنگه بویانمیشدی. باغ-باغچادا عطیر ساچان گوللر-چیچکلر سئوگی نغمه سی اوخویان بولبوللره ناز ساتیردیلار. اوجا داغین قاشیندان آخان شلاله یاز گونشینین قیزیلی ذرره لریندن بیچیلمیش دوماغ کؤپوکلو دون گئیینمیشدی. شلاله چاغلایا-چاغلایا ائله بیل شعر اوخویوردو. خوش آوازی درین دره لره سیغیشمیردی. دنیزه جان آتان جوشقون داغ چایینا قووشان شلاله نین ده، کیچیک سیسقا بولاقلارین دا اورکلری ووصال سئوینجیندن آتیلیب-دوشوردو. 

آردینی اوخو

زهر

+0 به یه ن

زهر (Zəhər)

یازار: کازو ایشیقورو (Kazuo İşiquro)

ترجومه: کنعان حاجی

کؤچورن: قدرت ابوالحسنی سهلان (نییتیم فقط، 2017 ایلینده ادبییات اوزره نوبئل موکافاتی قازانان ایشیقورودان حیکایه تقدیم ائله مک اولوب)

 Kazuo Ishiguro by Kubik.JPG

بو گون ائدینین بؤیوک قارداشینی گؤردوم. بئلینی سویوغا وئریب. ائدینین اؤزو بیر نئچه هفته بوندان اؤنجه بو باره ده نسه دئمیشدی.

آردینی اوخو


  • [ 1 ]